UEFA qarşıdakı üç mövsümdə Çempionlar Liqasının final matçlarının keçirləcəyi şəhərləri müəyyənləşdirib.

Zirveyolu.info sportal.az-a istinadən xəbər verir ki, 2021-ci ildə baş tutacaq final Rusiyanın Sankt-Peterburq şəhərində təşkil ediləcək. 2022-ci ilin həlledici oyunu  Almaniyanın Münhen şəhərində reallaşacaq. 2023-cü ilin ÇL finalı İngiltərənin paytaxtı Londonda yerləşən “Uembli” stadionunda baş tutacaq.

2020/2021 mövsümündə Avropa Liqasının finalı İspaniyanın Sevilya şəhərində keçiriləcək. Həmin mövsüm UEFA Super Kubokunun matçını Şimali İrlandiyanın paytaxtı Belfast qəbul edəcək.

Bu barədə UEFA-nın prezidenti Aleksandr Çeferin İcraiyyə Komitəsinin Lyublyanada keçirilən iclasından sonra mətbuat konfransında məlumat verib.