16 mart 2023-cü il tarixində Cənubi Koreya istehsalı olan SK ZIC sürtgü materiallarının Azərbaycandakı rəsmi və yeganə distribüteri “Murad LTD” MMC şirkəti tərəfindən seminar təşkil edilmişdir.

SK ZIC uzun illərdir ki, zirvələri qoruyan və artıq dünya markaları sırasında seçilən premium yağ brendi hesab olunur. Brendin istehsalçısı olan SK Lubricants şirkəti rebrendinq edərək SK Enmove olaraq fəaliyyətinə davam edəcəkdir.

Seminarda fəal şəkildə Murad LTD şirkətinin əməkdaşları, həmçinin xüsusi qonaqlar və mühərrik yağları sektorunda öz adından söz etmiş şirkətləri təmsil edən nümayəndələr iştirak etmişdir.

SK ZIC-in regional ofisindən Mixail Uvarov ZIC brendinin və ana şirkəti olan SK korparasiyasının yaranma tarixi, inkişafı, dünya bazarındakı payı və gələcək illərdəki planları haqqında təqdimatını seminar iştirakçılarına çatdırmış, eyni zamanda iştirakçıların bütün suallarına əhatəli cavablar verilmişdir.

Seminar 5 saat ərzində davam etmişdir.

Seminar SK ZIC tərəfindən qonaqlarımıza hədiyyə təqdimatı və maraqlı müzakirə paneli ilə davam edərək yekunlaşmışdır.