Gəncə Şəhər İcra Hakimiyyətinin başçısı Niyazi Bayramovun tapşırığına uyğun olaraq, Mənzil Kommunal Təsərrüfatı İstehsalat Birliyi tərəfindən dahi şəxsiyyət, Ulu Öndər Heydər Əliyevin və görkəmli alim-oftalmoloq, akademik Zərifə Əliyevanın 100 illik yubileyləri münasibətilə ağacəkmə aksiyası təşkil olunub.
“Zirvə yolu”nun məlumatına görə, Azərbaycan Bayrağı küçəsində təşkil edilən aksiyada Gəncə Şəhər İcra Hakimiyyətinin başçısı, Aparatın məsul əməkdaşları, Mənzil Kommunal Təsərrüfatı İstehsalat Birliyinin rəisi iştirak edib.
Burada yerli iqlim şəraitinə uyğunlaşdırılmış 200 ədəd sərv ağacı əkilib, onlara xüsusi aqrotexniki qulluq göstərilib, suvarılması təmin edilib.
Qeyd edək ki, ağac tinqləri MKTİB-nin Yaşıllaşdırma şöbəsinin gülçülük sahəsində yetişdirilib. Eyni zamanda, ərazidə Gülçülük sahəsində becərilən mövsümü gül kolları də əkilib.
