Səudiyyə Ərəbistanı ordu ilə xüsusi təyinatlılar arasında toqquşmaların davam etdiyi Sudana 100 milyon dollarlıq humanitar yardım edəcək.

“Zirvə yolu” xəbər verir ki, bu barədə Səudiyyə Ərəbistanının Mətbuat Agentliyi məlumat yayıb.

Təşəbbüsün həyata keçirilməsi Humanitar Yardım və Əməliyyatlar Mərkəzinə həvalə olunub. Yardım, ilk növbədə, döyüşlər səbəbindən evlərini tərk etmiş məcburi köçkünlərə veriləcək. Mərkəz həmçinin Sudanın mülki əhalisinə kömək etmək üçün onlayn xeyriyyə kampaniyasına başlayıb.