Hindistanda pirotexnika fabrikində baş verən partlayış nəticəsində azı 9 nəfər ölüb, bir neçə nəfər yaralanıb.

“Zirvə yolu” xəbər verir ki, bu barədə “Press Trust of India” agentliyi məlumat yayıb.

İnsident ölkənin şərqindəki Qərbi Benqal ştatının Purba Medinipur rayonunda baş verib.

Agentliyin məlumatına görə, partlayışdan yaranan şok dalğası o qədər güclü olub ki, fabrikin yerləşdiyi bina uçub.

Qeyd edilir ki, fişəng istehsalının lazımi lisenziyası olmayıb və fabrik yeraltı fəaliyyət göstərib.

Polis hadisənin başvermə şəraitini araşdırır.