Səhiyyə Nazirliyinin Psixi Sağlamlıq Mərkəzinin psixiatrı Aydan Cabbarova uşaqlar arasında kəkələmə problemindən danışıb.

“Zirvə yolu” xəbər verir ki, o, kəkələmə probleminin yaşla əlaqədar olmadığını bildirib.

Psixiatr bu problemin istənilən yaşda yarana biləcəyini söyləyib.

A.Cabbarova hətta 50 yaşlı insanda da qorxudan kəkələmə yarana biləcəyini qeyd edib.

“Bu problem müalicə ilə aradan qalxan məsələdir. Əsas məsələ səbəbin aydınlaşdırılmasıdır”, – psixiatr əlavə edib.