Bu gün Gürcüstanda Azərbaycan, Ermənistan və Moldovanın yanğın-xilasetmə qruplarının iştirakı ilə genişmiqyaslı təlimlər başlayıb.

“Zirvə yolu” Gürüstan KİV-inə istinadən xəbər verir ki, bu barədə Gürcüstan Daxili İşlər Nazirliyinin Fövqəladə Halların İdarə Olunması Xidməti məlumat yayıb.

Təlimlər Avropa İttifaqının ekspert və texniki dəstək proqramının himayəsi altında keçirilir. Təlimlər zamanı əvvəlcədən hazırlanmış meşə yanğınları ssenariləri işlənəcək.

Onların məqsədi irimiqyaslı təbii fəlakətlər zamanı müvafiq idarələr arasında koordinasiya və əlaqə yaratmaqdır. Təlimlərə avtomobil texnikası və aviasiya da cəlb olunacaq.

Təlimlər iyunun 16-dək davam edəcək.