AFFA İntizam Komitəsi Azərbaycan Premyer Liqasının 3 klubunu cərimələyib.
“Zirvə yolu”nun məlumatına görə, buna səbəb XXXIII turda qeydə alınan neqativ hallar olub.
“Turan Tovuz” – “Neftçi” oyununda hər iki komandanın 4 futbolçusu sarı vərəqə aldığından, qurum onların hərəsini 800 manat cərimələyib.
“Qəbələ” ilə görüş başa çatdıqdan sonra meydançaya kənar şəxsin daxil olması isə “Qarabağ”a 1600 manatlıq cərimə bahasına başa gəlib.
