Bir neçə gün əvvəl Dia-az.İnfo olaraq Azəriqaz İstehsalat Bitliyinin Ağsu Regional Qaz İstismar İdarəsinin Ağsu xidmət sahəsində çalışan (ictimai işlər üzrə) işçilərin kütləvi şəkildə işlərindən azad olunması və bununla bağlı etirazların baş qaldırması haqda informasiyaları vermişdik. Bu gün isə redaksiyamıza daxil olan xəbərlərdən aydın olur ki, anoloji proses kütləvi – total mahiyyət daşıyır və sözügedən dövlət təşkilatının digər rayonlardakı idarələrində də müşahdiə olunmaqdadır. xəbəri verən işçilərin iddialarına görə, artıq Şəmkir rayonunda da 26 işçi qanunsuz olaraq işdən kənarlaşdırılıb. Dia-az.İnfo-ya xəbər verən işçilər yazır: “İndi biz də çarəsiz qalmışıq. Har, kimə şikayət edək… bilmirik?” SOCAR-ın təqaüddə olan mühəndisi Yunis Camalov isə baş verənləri fərqli şəkildə şərh edib: “Xəqani Bəşirli (“Azəriqaz” -ın İnsan Resurslari Departamentinin rəisi nəzərdə tutulur – red.) kimiləri olduqca ,,Azəriqaz” İ.B-də hüzur olmayacaq. Təzə sədrə ürəyim yanır. Köhnə sədr Ruslanın adamları imkan verməyəcəklər ki, Şəhid övladı xalqımıza xidmət etsin…”