Moderator.az xarici mətbuata istinadən xəbər verir ki, Britaniya Kolumbiyası Universitetinin alimləri (Kanada) universal donor qanı yaradıblar. Bu barədə Science (Elm) jurnalında bildirilib.

Hər bir qrup qırmızı qan hüceyrələrinin qabığında bir sıra şəkər molekulları ilə xarakterizə olunur. Bu vəziyyətdə birinci qrup hamısına uyğundur.

İkinci qrup qanı da universal etmək üçün elm adamlarına antigenləri qandan götürmək lazım olub. Dörd il sınaqdan sonra mütəxəssislər insan bağırsaqlarında mikroorqanizmlər tapmış və ikinci qan qrupunu universal qana çevirən iki ferment hazırlamışlar. Onlar “artıq” şəkər molekullarını ikinci qrupun qanından çıxarırlar.

Alimlərin fikrincə, bu, donor qan ehtiyatının artırılmasına kömək edəcək və bir çoxlarının həyatını xilas edəcək.